قصة عزوز

من طرف **عبدالعزيز** الإثنين 12 أبريل 2010, 3:46 am

يقول لك كان في طفل صغير لطيف ظريف اسمه عبدالعزيز ويدلعونه ( عزوز)
عنده اخوين اكبر منه واحد اسمه ابراهيم والثاني موسى
وفي كل مرة يطلعون ابراهيم وموسى يلعبون برا ويقولون له خلك في البيت انت صغير..

و في يوم من الايام قرر ابوهم انه بياخذهم للمسجد يصلون...لانهم كبروا
واصر عزوز انه بيروح وياهم..
قال له ابوه مايصير انت توك صغير.. اللي كبرك مايودونهم المسجد

صياح وصرخ .. وخرب الدنيا..
ابويه تلا ياحذهم ويحلينه ..
( يعني ابوه ياخذهم ويخليه )
تل مله تنثون عذوذ تل مله تنثون عذوذ
( يعني كل مره تنسون عزوز كل مره تنسون عزوز )

المهم كل يوم على هالحالة..
ذاك اليوم صمم ابوه وقرر انه بياخذه معاه للمسجد..
قال لامه لبسيه زين وكشخيه وخليه يروح الحمام اول (لايفشلنا في المسجد)

وفعلا اخذه معه للمسجد ذاك اليوم
وقال لاخوانه وقفو جنبه علشان لايسوي فوضى ويلعب
انتو خلكم في هالصف ..لان الاولاد اللي كبركم مايصير يوقفون في الصف الاول
اذا صرتوا على طول مؤدبين وحليوين وماسويتو فوضى ابدا.. بخليكم بعدين توقفون في الصف الاول

وراح ابوهم فعلا وقف في الصف الاول .. في الروضة خلف الامام مباشرة...

المهم
وقف هالعزوز في الصف زين مثل الرجاجيل.. ساكت ولاكلمة ( مؤدب )
كبر الامام.. كبروا اخوانه.. كبر عزوز مثلهم

وبدا الامام يقرا سورة الفاتحة

وبعدها قرأ سورة ( الاعلى )
ويوم وصل الامام الى اخر اية
.

ان هذا لفي الصحف الاولى
صحف ابراهيم وموسى

قال الولد باعلى صوته: وعذوذ بعد قصة عزوز 031

ههههههههههههه على اسمي