قالوا لي تحبينه ؟ وقلت ان الحروف كثار أحبه واعشقه واهواه, ولا أرضى بتغييره ..

من طرف **عبدالعزيز** الأحد 11 أبريل 2010, 11:38 pm

بحاول أوصف احساسي تجاهك وانثر الامطار
بحاول.. بس يا الغاليه شعوري صعب تفسيره !

انا من يومني ولد(ن) صغير والقلوب كبار
بلاني ربي بحبك , وعشت بعالم الحيره ..

أنا من يومني طفل وانا لي بالهوى تذكار
عشقتك من صغر سني , يا زين الوصف والسيره ..

صحيح اني صغير حيل , ومن حولي عيال صغار
صحيح همومنا لعبه , وكل أحلامنا صغيره ..

طموح الولد في عمره , عروسه و لعبة استشوار
وانا كل اهتماماتي , عيونك يا ضيا الديره ..

في مدرستي عجزت أفهم دروسي والبلا أفكار
أفكر فيك يا خلي .. وزاد الشوق تفكيره ..

أنا ما همني درسي .. ولا هموني الشطار
تجاهلت الفصل كله .. عباراته .. طباشيره

كتبت اسمك على هاك الدفاتر يالغلا تكرار
رسمت قلوب ورديه , سكنها انتي , من غيره ؟

الا ياليتني ولد(ن) , تعرف تنظم الاشعار
يمين الله لأكتب لك قصايد تفضح الغيره ..

كبرتي اليوم يا الغاليه وزاد بقلبي الاصرار
على حبك , وحب اللي يحبك فاق تعبيره !

جذبت عيوني الثنتين , الا يا ملفتت الانظار
سكنت حدود نبضاتي , بدون اجراء تأشيره ..

فداكي اللي تبي آمر , تمنّى يالغلا واختار
لو انك تطلب عيوني , لأقول ان العمى خيره !

جميع اللي تبي حاصل , حشى ما أنطق الاعذار
ولو يتعذر قليبي , حشى ما اقبل معاذيره ..

تأشرّ باصبعك للشيء , تلقى مطلبك قد صار
فخور لو أجيبها لك يا سيد القلب يا أميره ..

تبعثرني هموم البعد , وتبحر بي كما البحار
غزاني موج بُعد الخل , ولا وضح لي تبريره ..

متى ألقى مراسي اليم , وتلطف فيني الاقدار
الا يا بختي بشوفتها , الا يا ليتنا جيره !

انا من لامني بحبك , عساه لقصرة الاعمار
تلوموني على بنت(ن) , حلاتها احلى من الشيره ؟

قالوا لي تحبها ؟ وقلت ان الحروف كثار
أحبها واعشقها واهواها, ولا أرضى بتغييرها ..

شجاعه , بس لا شفتكي , كياني يا بعدي ينهار
قويه , لكن قبالك , شعوري صعب تظهيره ..

عيونكي يا بعد كلي , تهز الفارس المغوار
شموخكي مفخره للعز , يذكرني بأساطيره !

الى مني تباطيتك , تولّع في حشاي النار
تزوّد جرعة الاحزان , تزيد القلب تخديره !

واذا يا عيني لاقيتكي , يثور بداخلي اعصار
أطير بعالم الفرحه , تقيّدني اساويره ..

لو انك تدري بحبك , كم له داخلي مقدار
يطير العقل يا خلي , كأنك شارب(ن) بيره !!