لاتشتكي حالك على كل من جااك

من طرف **تعب قلبي** الأربعاء 07 أبريل 2010, 1:51 am

لا تشتكي حآالك على كل من جاك
بعض البشر يفرح الى قلت مهموم

يخفي سمومه بين همك وشكواك
يشمت بحالك والحصيله شقا ولوم

واحذر من اللي ينقل الهرج لعادك
يظهر لك الطيب وهو منه معدوم

قلبه مريض ويخلط السم بدواك
يعرض عليك الراي والراي مسموم

وابعد عن اللي يستغلك الى جاك
تلقاه دايم بين الأخيار مذموم

احسب حسابك في كلامك ومعناك
وسط المجالس كل ما ادليت بعلوم

خل سمعك اكثر من كلامك وفتواك
تلقى القدر يمكن من الناس ملزوم

ولا تذكر افعالك بما تجود يمناك
عنك الولي يدري ولك الخير مقسوم

وخلك مع اللي يشتكي لك وينخاك
بك ينتخي من ضيك الأيام وهموم

خذها وصيه تسعدك دوم دنياك
واحفظ معانيها تحفظك من اللوم